../files/uploaded/ALG.doc

../files/uploaded/nazaryan.jpg

../files/uploaded/ՀՀ_Վարչապետ_պատասխան_Մովսիսյան.jpg

../files/uploaded/ՀՀ_Վարչապետ_պատասխան_Աշոտյան.jpg

Հարգելի Նախագահ,

Հանրապետությունում ներքին և արտաքին քաղաքականության վիճակը ցույց է տալիս, որ հասել ենք մի այնպիսի սահմանագծի, որից այն կողմ սկսվում են հասարակական մեծ հուզումները՝ նպաստելով համընդհանուր քաոսի առաջացմանը և, միգուցե, անկախության կորստին  >>>>>>>

Հարգելի պարոն Նախագահ,

Հանրապետության արագորեն փոփոխվող սոցիալական և հասարակական իրավիճակը, կապված կենցաղային, ինչպես նաև փոքր և միջին ձեռնարկատիրության ոլորտներում օգտագործվող բնական գազի և էլեկտրաէներգիայի սակագների հնարավոր բարձրացման հետ, ստիպում է ինձ դիմել Ձեզ >>>>>>>

Հարգելի պարոն Վարչապետ,

Ս.թ. մայիսի 14-ին գլխավոր լրատվամիջոցները Հայաստանի բնակչությանը տեղեկացրեցին կենցաղային սպառման բնական գազի սակագնի 64 տոկոսով հնարավոր բարձրացման մասին  >>>>>>>

www.epress.am

http://www.epress.am/2013/05/02/%D5%93%D5%A1%D5%BD%D5%BF%D5%A1%D5%A2%D5%A1%D5%B6%D5%AB%D5%B6-%D5%BD%D5%BA%D5%A1%D5%BC%D5%B6%D5%A1%D6%81%D5%A5%D5%AC-%D5%A5%D5%B6-%D4%B5%D6%80%D6%87%D5%A1%D5%B6%D5%AB-%D5%B6%D5%B8%D6%80-%D5%B8%D5%BD.html

www.hetq.am

http://hetq.am/arm/news/26099/sparnacel-en-pastaban-meri-khachatryanin-aktivisti-dimumy-vladimir-gasparyanin.html

ՀՀ ոստիկանության պետ պարոն Վ. Գասպարյանին

Հարգելի պարոն ոստիկանապետ,

սույն թվականի մայիսի 2-ի առավոտյան (ժամը 10-11-ի սահմաններում) այցելում եմ <Ֆեյսբուք> սոցիալական ցանց և հերթական անգամ ստուգում իմ հաղորդագրությունները: Ինձ ուղղարկված հաղորդագրությունների (Messages) ուրիշ (Other) բաժնում հայտնաբերում եմ ինձ լրիվ անծանոթ, ոմն Պարգև Կարապետյան (Pargev Karapetyan) անունով օգտատիրոջ սպառնացող և վիրավորող արտահայտություններով մի հաղորդագրություն (կից ներկայացվում են լուսանկարի ու հաղորդագրության պատճենները): Այդ հաղորդագրությունը մենախոսություն է, բովանդակությունից ակնհայտ երևում է, որ սպառնալիքն ուղղված է անմիջապես ինձ՝ (որպես admin-ի) ս. թ. ապրիլին §Մենք դատապարտում ենք Երևան քաղաքի վարչության նոր պետի (Երևանի ոստիկանապետ) Աշոտ Կարապետյանի նշանակումը¦ ֆեյսբուքյան խումբ բացելու համար: Ես այդ հաղորդագրությանը չեմ պատասխանել, պատճենահանել եմ և անմիջապես տեղադրել վերը նշված խմբում և իմ անձնական էջում՝ ի գիտություն իմ ընկերներին ու հանրությանը, որ սպառնալիք եմ ստացել ոմն մի կեղծ (ընդունված է ասել՝ ֆեյք) օգտատիրոջից, ով իր էջը բացել էր ընդամենը ս. թ. ապրիլի 11-ին: Ի դեպ, ես նրան արդեն ուղարկել եմ Report, որպեսզի նրանից այլևս հաղորդագրություններ չստանամ, սակայն նշյալ խմբի մյուս ադմին՝ Լիլիթ Գևորգյանը, հիշել է նրա profile-ը: Չեմ ցանկանում երկարաշունչ նախադասություններով ու արտահայտություններով ծանրաբեռնել իմ սույն հայտարարությունը, բայց, այնուամենայնիվ, անհրաժեշտ եմ համարում այս մասին իմ անհանգստությունը հայտնել Ձեզ՝ իբրև ՀՀ ոստիկանապետի: Չնայած, ես հասկանում եմ, որ որ այս հաղորդագրություն գրողը կեղծ (ֆեյք) օգտատեր է, բայց չեմ էլ բացառում, որ նա Երևան քաղաքի նոր ոստիկանապետին շատ լավ ճանաչող ու մտերիմ մեկը կարող է լինել, ում սիրտը շատ է ցավացել ու չի դիմացել, փորձել է <փրկել> ընկերոջն այս տարբերակով, որը, եթե չկանխվի իրավապահների կողմից, ապա չի բացառվում, որ այն շարունակություն կունենա և ծանր հետևանքներ թողնի: Այսպիսով, այս սպառնալից հաղորդագրությունն ուղղված է ինչպես իմ՝ հասարակական գործունեությանը, այնպես էլ կարծիք ունենալու և արտահայտվելու իրավունքի իրացմանը, որը երաշխավորված է ոչ միայն ՀՀ սահմանադրությամբ, այլ նաև Հայաստանի կողմից վավերացված մի շարք միջազգային պայմանագրերով, ուստի դիմում եմ Ձեզ և խնդրում, որպեսզի ՀՀ ոստիկանությունն անհապաղ միջոցներ ձեռնարկի հայտնաբերելու թե ո±վ է այս անձնավորությունը, ու±մ թելադրանքով է նման բովանդակության հաղորդագրություն ուղարկել ինձ և ի±նչու է այդ խմբի ստեղծումը նրա վրա այդ աստիճան ազդել: Ի դեպ, եթե իմ և իմ հարազատ մարդկանց հետ որևէ բան պատահի, ապա դրանում նաև իր մեղքի բաժինը կունենա ՀՀ ոստիկանությունը, եթե որևէ կանխարգելիչ միջոցներ չձեռնարկի այդ կեղծ (ֆեյք) օգտատիրոջը հայտնաբերելու և պատասխանատվության ենթարկելու ուղղությամբ:

Ակնկալում եմ ստանալ գրավոր արձագանք:

Կից ներկայացվում են՝

• նշված հաղորդագրությունների և դրա հեղինակի լուսանկարի պատճենները:

Հարգանքով՝

Մերի Խաչատրյան

<Ա. Դ. Սախարովի անվան մարդու իրավունքների պաշտպանության հայկական կենտրոն> ՀԿ իրավաբան,

փաստաբան, ՀՀ փաստաբանների պալատի անդամ

Երևան 0009 Սարմենի փող. 1

02.05.2013թ.

http://www.youtube.com/watch?v=rlVotu-GKl0